مسترحنون عضو نشيـــــط
عدد الرسائل : 68 تاريخ التسجيل : 09/07/2007
| موضوع: دجـاج مشـوي بالكـاري السبت يوليو 21, 2007 9:17 pm | |
|
هذي الشويه حق طلعات البحر او البر ....
وهي لذيذه جربوها ... مقادير: 1_عدد 2 دجاج مقطع ثمان قطع 2_خل 3_ليمون 4_ثوم 5_شطه 6_بهارات كاري_كركم_ طبعا ملح 7_طرشي ( اجار هندي ) 8-قصدير
طريقه التحضير:
نحط الدجاج القطع في غدر وبعدين نحط عليه الخل ونقلبه بعدين نحط ثلاث ملاعق اكل
بهارات كاري وبعدين نحط ملعقتين كركم وملعقتين من الطرشي وبعدين نعصر اليمون
و نحط الشطه حسب المذاق وبعدين نحط الثوم ولازم يكون مو مدقوق بس مقشر
والملح لا تنسونه وبعدين نقلبه بالقدر مع بعض
ولمذاق افضل اذا خلصنا نحط الغدر بالثلاجه
مده تقريبا 6 ساعات الى 15 ساعه
طريقه الشوي:
نجيب القصدير ونفرشه ونحط قطع الدجاج عند بعض مو فوق بعض ؟
ونرش فوقه شويت زيت زيتون و راح يبقى شويت مرقه بالغدر نرشها فوق القطع
واخيرا نغطي القصدير باحكام عشان ما تنكت المرقه
ونحطه فوق الجمر ونحط جم افحمه فوقه عشان يضبط
ونخليه مده ساعه كامله واذا كانت النا حاميه نخليه 50 دقيقه
بالعافيه عليكم حبايبي
| |
|